ಇಂಡಿಯಾ ಪ್ಯಾಡಲ್ ಫೆಸ್ಟಿವಲ್‌ಗೆ ಕರ್ನಾಟಕ ಪ್ರವಾಸೋದ್ಯಮ ಬೆಂಬಲ

ಮಂಗಳೂರು: ಭಾರತದ ಏಕೈಕ ಅಂತರರಾಷ್ಟ್ರೀಯ ಸ್ಟ್ಯಾಂಡ್-ಅಪ್ ಪ್ಯಾಡಲ್ (SUP) ಈವೆಂಟ್  ಆಗಿರುವ ಇಂಡಿಯಾ ಪ್ಯಾಡಲ್ ಫೆಸ್ಟಿವಲ್ 2025ರ  ಎರಡನೇ ಆವೃತ್ತಿಯು ಮಾರ್ಚ್ 7 ರಿಂದ 9 ರವರೆಗೆ ಸಸಿಹಿತ್ಲು ಬೀಚ್ ನಲ್ಲಿ ನಡೆಯಲಿದೆ. ಈ ವರ್ಷದ ವಿಶೇಷವೆಂದರೆ ಈ ಇವೆಂಟ್ ಅನ್ನು ಭಾರತ ಸರ್ಕಾರದ ಪ್ರವಾಸೋದ್ಯಮ ಸಚಿವಾಲಯದ ಇನ್ಕ್ರೆಡಿಬಲ್ ಇಂಡಿಯಾ ಮೊದಲ ಬಾರಿಗೆ ತನ್ನ ಬೆಂಬಲವನ್ನು ನೀಡಿದೆ. ಸರ್ಫಿಂಗ್ ಸ್ವಾಮಿ ಫೌಂಡೇಶನ್ ಮತ್ತು ಮಂತ್ರಾ ಸರ್ಫ್ ಕ್ಲಬ್ ಆಯೋಜಿಸುತ್ತಿರುವ ಈ ಉತ್ಸವದ ಎರಡನೇ ಆವೃತ್ತಿಯಲ್ಲಿ 40 ಕ್ಕೂ ಹೆಚ್ಚು ವಿಶ್ವದರ್ಜೆಯ ಸ್ಟ್ಯಾಂಡ್-ಅಪ್ ಪ್ಯಾಡ್ಲರ್‌ಗಳು ಪ್ರಶಸ್ತಿಗಳಿಗಾಗಿ ಪೈಪೋಟಿ ನಡೆಸಲಿದ್ದಾರೆ. ಜಾಗತಿಕ ಮಟ್ಟದಲ್ಲಿ ವೇಗವಾಗಿ ಪ್ರಚಲಿತವಾಗುತ್ತಿರುವ ಈ ಕ್ರೀಡೆ ಶೀಘ್ರದಲ್ಲೇ ಒಲಿಂಪಿಕ್‌ನಲ್ಲಿ ಪ್ರಥಮ ಪ್ರವೇಶ ಪಡೆಯಲಿದೆ. Government of India and Karnataka extends support to India Paddle Festival 2025.

ಕರ್ನಾಟಕ ಪ್ರವಾಸೋದ್ಯಮವು ಈ ಬಾರಿಯ ಫೆಸ್ಟಿವಲ್‌ನ ಪ್ರಸ್ತುತ ಪಾಲುದಾರನಾಗಲು (Presenting Partner) ಮುಂದಾಗಿದೆ. ಭಾರತದಲ್ಲಿ ಸರ್ಫಿಂಗ್ ಮತ್ತು ಸ್ಟ್ಯಾಂಡ್-ಅಪ್ ಪ್ಯಾಡಲಿಂಗ್ (SUP) ಸಂಸ್ಕೃತಿಯ ಪೂರೈಕೆದಾರರಾಗಿರುವ ಸರ್ಫಿಂಗ್ ಸ್ವಾಮಿ ಫೌಂಡೇಶನ್ ಮತ್ತು ಮಂತ್ರಾ ಸರ್ಫ್ ಕ್ಲಬ್, WrkWrk ಸಹಯೋಗದಲ್ಲಿ ಈ ವಿಶ್ವದರ್ಜೆಯ ಉತ್ಸವವನ್ನು ಯಶಸ್ವಿಯಾಗಿ ಆಯೋಜಿಸಿದ್ದು, ಇದರಿಂದ ವಿಶ್ವ ಸ್ಟ್ಯಾಂಡ್-ಅಪ್ ಪ್ಯಾಡಲಿಂಗ್ ನಕ್ಷೆಯಲ್ಲಿ ಭಾರತದ ಸ್ಥಾನ ಮತ್ತಷ್ಟು ಬಲಪಡಿಸುತ್ತಿದೆ.

ಈ ಇವೆಂಟ್ ಗೆ ಮೂಲಸೌಕರ್ಯ ಮತ್ತು ಕ್ರೀಡಾ ಅಭಿವೃದ್ಧಿಯಲ್ಲಿ ಮುಂಚೂಣಿಯಲ್ಲಿರುವ JSW ಸಂಸ್ಥೆಯು ತನ್ನ ಬೆಂಬಲವನ್ನು ನೀಡಿದ್ದು, ಆತಿಥ್ಯದಲ್ಲಿ ಮುಂಚೂಣಿಯಲ್ಲಿರುವ MRG ಗ್ರೂಪ್ ಕೂಡ ಬೆಂಬಲ ಸೂಚಿಸಿದೆ. ಅವತಾರ್ ಹೋಟೆಲ್ ನಲ್ಲಿ ಅಥ್ಲೀಟ್‌ಗಳು, ಅಧಿಕಾರಿಗಳು ಮತ್ತು ಅತಿಥಿಗಳಿಗೆ ವಾಸ್ತವ್ಯ ನೀಡಿದೆ.

ಈ ಬಗ್ಗೆ ಮಾತನಾಡಿದ ಕರ್ನಾಟಕ ಸರ್ಕಾರದ ಪ್ರವಾಸೋದ್ಯಮ ಇಲಾಖೆಯ ಕಾರ್ಯದರ್ಶಿ ಸಲ್ಮಾ ಕೆ ಫಹಿಮ್ ಇಂಡಿಯಾ ಪ್ಯಾಡಲ್ ಫೆಸ್ಟಿವಲ್ ಗೆ ಬೆಂಬಲ ಸೂಚಿಸಲು ಕರ್ನಾಟಕ ಪ್ರವಾಸೋದ್ಯಮ ಇಲಾಖೆಯು ಹೆಮ್ಮೆಪಡುತ್ತದೆ. ಈ ಕಾರ್ಯಕ್ರಮಕ್ಕೆ ಬೆಂಬಲ ನೀಡುವ ಮೂಲಕ, ನಮ್ಮ ಕರಾವಳಿಯನ್ನು ಪ್ರಚಾರಗೊಳಿಸುವುದರ ಜೊತೆಗೆ ಜನರನ್ನು ಒಗ್ಗೂಡಿಸಿವುದು ಉದ್ದೇಶಿಸಿದ್ದೇವೆ. ಭಾರತ ಪ್ಯಾಡಲ್ ಫೆಸ್ಟಿವಲ್ ನಮ್ಮ ಪ್ರದೇಶದ ಸೌಂದರ್ಯವನ್ನು ಮಾತ್ರವಲ್ಲದೆ, ಜಗತ್ತಿನಾದ್ಯಂತದ ಕ್ರೀಡಾಪಟುಗಳ ಪ್ರತಿಭೆಗಳಿಗೂ ಸಹ ಅವಕಾಶ ನೀಡುತ್ತಿದೆ ಎಂದರು.

ಸರ್ಫಿಂಗ್ ಸ್ವಾಮಿ ಫೌಂಡೇಶನ್‌ನ ನಿರ್ದೇಶಕ ರಾಮಮೋಹನ್ ಪ್ರಾಂಜಾಪೆ ಮಾತನಾಡಿ,  ಇನ್ಕ್ರೆಡಿಬಲ್ ಇಂಡಿಯಾ ಮತ್ತು ಕರ್ನಾಟಕ ಪ್ರವಾಸೋದ್ಯಮದ ಬೆಂಬಲವು ಭಾರತ ಪ್ಯಾಡಲ್ ಫೆಸ್ಟಿವಲ್ ಮತ್ತು ಭಾರತೀಯ ಸ್ಟ್ಯಾಂಡ್-ಅಪ್ ಪ್ಯಾಡಲಿಂಗ್ ಸಮುದಾಯಕ್ಕಾಗಿ ಒಂದು ದೊಡ್ಡ ತಿರುವು ಆಗಿದೆ. ಇಂತಹ ಗೌರವಾನ್ವಿತ ಸಂಸ್ಥೆಗಳ ಬೆಂಬಲದೊಂದಿಗೆ, ಹಾಗೂ ನಮ್ಮ ಬದ್ಧವಾದ ಪಾಲುದಾರರ ಸಹಯೋಗದೊಂದಿಗೆ, ಈ ಆವೃತ್ತಿ ಹೊಸ ಮೈಲಿಗಲ್ಲುಗಳನ್ನು ತಲುಪಲಿದೆ ಎಂಬುದರಲ್ಲಿ ನಮಗೆ ಸಂಪೂರ್ಣ ವಿಶ್ವಾಸವಿದೆ. ಇದರಿಂದ ಭಾರತ ಜಲಕ್ರೀಡೆ ಮತ್ತು ಸಾಹಸ ಪ್ರವಾಸೋದ್ಯಮದ ಜಾಗತಿಕ ಕೇಂದ್ರವಾಗಿ ತನ್ನ ಸ್ಥಾನವನ್ನು ಇನ್ನಷ್ಟು ಬಲಪಡಿಸಲಿದೆ ಎಂದು  ತಿಳಿಸಿದ್ದಾರೆ.

ಭಾರತ ಪ್ಯಾಡಲ್ ಫೆಸ್ಟಿವಲ್ 2025 ಒಂದು ಸ್ಪರ್ಧೆಯಷ್ಟೇ ಅಲ್ಲ – ಇದು ಕ್ರೀಡೆ, ಸಮುದಾಯ ಮತ್ತು ಭಾರತದ ಅದ್ಭುತ ಕರಾವಳಿಯ ಆಚರಣೆಯಾಗಿದೆ. ಗಣ್ಯ ಅಂತಾರಾಷ್ಟ್ರೀಯ ಮತ್ತು ಭಾರತೀಯ ಕ್ರೀಡಾಪಟುಗಳೊಂದಿಗೆ, ಲೈವ್ ಸಂಗೀತ, ಸಾಂಸ್ಕೃತಿಕ ಪ್ರದರ್ಶನಗಳು ಮತ್ತು ಸಾಹಸ ಚಲನಚಿತ್ರಗಳು, ಉತ್ಸವವು ಆಹ್ಲಾದಕರ ಅನುಭವವನ್ನು ನೀಡುತ್ತದೆ. ಕರಾವಳಿಯ ಸಸಿಹಿತ್ಲು ಬೀಚ್ ನಲ್ಲಿ ನಡೆಯಲಿರುವ ಈ ಇಂಡಿಯಾ ಪ್ಯಾಡಲ್ ಫೆಸ್ಟಿವಲ್ 2025 ಕ್ರೀಡಾಪಟುಗಳು ಮತ್ತು ಪ್ರೇಕ್ಷಕರಿಗೆ ಮರೆಯಲಾಗದ ಅನುಭವವನ್ನು ನೀಡುತ್ತದೆ.