ಸ್ಪೋರ್ಟ್ಸ್ ಮೇಲ್ ವರದಿ
ಲೆಗ್ ಸ್ಪಿನ್ನರ್ ಮಹೇಶ್ ಪಟೇಲ್ ಅವರ ಅದ್ಭುತ ಬೌಲಿಂಗ್ ದಾಳಿಗೆ ತತ್ತರಿಸಿದ ಕಳೆದ ಬಾರಿಯ ರನ್ನರ್ ಅಪ್ ತಂಡ ಬಿಜಾಪುರ ಬುಲ್ಸ್ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧದ ಕರ್ನಾಟಕ ಪ್ರೀಮಿಯರ್ ಲೀಗ್ ಪಂದ್ಯದಲ್ಲಿ 4 ವಿಕೆಟ್ಗಳ ಸೋಲನುಭವಿಸಿದೆ.
ಮಹೇಶ್ ಪಟೇಲ್ 16 ರನ್ಗೆ 3 ವಿಕೆಟ್ ಗಳಿಸುವ ಮೂಲಕ ಬುಲ್ಸ್ ತಂಡವನ್ನು ಕೇವಲ 128 ರನ್ಗೆ ಕಟ್ಟಿಹಾಕುವಲ್ಲಿ ಟೈಗರ್ಸ್ ಯಶಸ್ವಿಯಾಯಿತು. ಅಲ್ಪ ಮೊತ್ತವನ್ನು ಬೆಂಬತ್ತಿದ ಟೈಗರ್ಸ್ ಮೊಹಮ್ಮದ್ ತಾಹಾ (62) ಅವರ ಅದ್ಭುತ ಬ್ಯಾಟಿಂಗ್ ನೆರವಿನಿಂದ ಸುಲಭ ಜಯ ಗಳಿಸಿ ಮುನ್ನಡೆಯಿತು. ತಾಹಾ 50 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 1 ಸಿಕ್ಸರ್ ನೆರವಿನಿಂದ 62 ರನ್ ಗಳಿಸಿ ತಂಡಕ್ಕೆ 4 ವಿಕೆಟ್ ಜಯ ತಂದುಕೊಟ್ಟರು. ಎರಡು ಬಾರಿ ಲೈಫ್ ಪಡೆದರೂ ತಾಹಾ ರನ್ ಗಳಿಕೆಯ ಓಟಕ್ಕೆ ತಡೆಯೊಡ್ಡಲು ಬುಲ್ಸ್ ತಂಡಕ್ಕೆ ಸಾಧ್ಯವಾಗಲಿಲ್ಲ. 45 ರನ್ ಗಳಿಸಿ ಆಡುತ್ತಿರುವಾಗ ಕೆಸಿ ಕಾರಿಯಪ್ಪ ನೋಬಾಲ್ ಎಸೆದರು. ೧೮ನೇ ಓವರ್ನಲ್ಲಿ ತಾಹಾ ಅನಗತ್ಯ ರನೌಟ್ಗೆ ಬಲಿಯಾದರು. ಈ ಸಂದರ್ಭ ಬುಲ್ಸ್ ತಂಡ ಪಂದ್ಯದ ಮೇಲೆ ಹಿಡಿತ ಸಾಧಿಸಿತ್ತು. ಆದರೆ ಟೈಗರ್ಸ್ ಆಗಲೇ ಜಯಕ್ಕೆ ಅಗತ್ಯವಿರುವ ರನ್ ಗಳಿಸಿತ್ತು.
![](https://www.sportsmail.net/wp-content/uploads/2018/08/kpl2.jpg)
ಮೌನದೊಂದಿಗೆ ಗೌರವ
ನಮ್ಮನ್ನಗಲಿದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಹಾಗೂ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಅವರಿಗೆ ಒಂದು ನಿಮಿಷ ಮೌನ ಆಚರಿಸುವ ಮೂಲಕ ಗೌರವ ಸಲ್ಲಿಸಲಾಯಿತು.
ಬುಲ್ಸ್ ತಂಡ 38 ರನ್ಗೆ 1 ವಿಕೆಟ್ ಕಳೆದುಕೊಂಡು ಉತ್ತಮ ಆರಂಭ ಕಂಡಿತ್ತು. ಆದರೆ 10 ಓವರ್ ಮುಗಿಯುತ್ತಿದ್ದಂತೆ 57 ರನ್ಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ನಾಯಕ ವಿನಯ್ ಕುಮಾರ್ ತಮ್ಮ ಮೊದಲ ಓವರ್ನಲ್ಲೇ ಶಿಶಿರ್ ಭವಾನೆ ಅವರ ವಿಕೆಟ್ ಗಳಿಸಿದರು, ಆದರೆ ಲೆಗ್ ಸ್ಪಿನ್ನರ್ ಪಟೇಲ್ ಬುಲ್ಸ್ ತಂಡದ ರನ್ ಗಳಿಕೆಗೆ ನಿಜವಾದ ಕಡಿವಾಣ ಹಾಕಿದರು. 4-0-16-3 ಉತ್ತಮ ಬೌಲಿಂಗ್ ಮೂಲಕ ಪಟೇಲ್ ಪಂದ್ಯದ ಯಶಸ್ಸಿಗೆ ಕಾರಣಾದರು.7ನೇ ಕ್ರಮಾಂಕದ ಆಟಗಾರ ಎಂ.ಜಿ. ನವೀನ್ 4 ಸಿಕ್ಸರ್ ಮೂಲಕ 25 ಎಸೆತಗಳಲ್ಲಿ 44 ರನ್ ಗಳಿಸಿದರೂ ಬೌಲರ್ಗಳಿಗೆ ನೆರವಾಗುವಷ್ಟು ರನ್ ದಾಖಲಾಗಲಿಲ್ಲ.
ಸಂಕ್ಷಿಪ್ತ ಸ್ಕೋರ್
ಬಿಜಾಪುರ ಬುಲ್ಸ್
128/7
(ಭರತ್ ಚಿಪ್ಲಿ 29, ನವೀನ್ ಎಂಜಿ 44, ಅನಿಲ್ ಐಜಿ 28ಕ್ಕೆ 2, ಮಹೇಶ್ ಪಟೇಲ್ 16ಕ್ಕೆ 3)
ಹುಬ್ಬಳ್ಳಿ ಟೈಗರ್ಸ್
18.5 ಓವರ್ಗಳಲ್ಲಿ 6 ವಿಕೆಟ್ಗೆ 131
(ಮೊಹಮ್ಮದ್ ತಾಹಾ 62, ಸುನೀಲ್ ರಾಜು 21 ಕ್ಕೆ 2)