ಸ್ಪೋರ್ಟ್ಸ್ ಮೇಲ್ ವರದಿ
ಅತ್ಯಂತ ರೋಚಕವಾಗಿ ನಡೆದ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಕೊಚ್ಚಿ ಬ್ಲೂ ಸ್ಪೈಕರ್ಸ್ ತಂಡವನ್ನು 3-2 ಸೆಟ್ಗಳಿಂದ ಸೋಲಿಸಿದ ಚೆನ್ನೈ ಸ್ಪಾರ್ಟನ್ಸ್ ತಂಡ ಪ್ರೊ ವಾಲಿಬಾಲ್ ಲೀಗ್ನ ಫೈನಲ್ ತಲುಪಿದೆ. ಫೈನಲ್ ಪಂದ್ಯದಲ್ಲಿ ಸ್ಪಾರ್ಟನ್ಸ್ ಕ್ಯಾಲಿಕಟ್ ಹೀರೋಸ್ ವಿರುದ್ಧ ಪ್ರಶಸ್ತಿಗಾಗಿ ಸೆಣಸಲಿದೆ.
ಬುಧವಾರದ ಸೆಮಿಫೈನಲ್ ಪಂದ್ಯದಲ್ಲಿ ಚೆನ್ನೈ ಸ್ಪಾರ್ಟನ್ಸ್ ಪಡೆ 16-14, 9-15, 10-15, 15-8, 15-13 ಅಂತರದಲ್ಲಿ ಗೆದ್ದು ಪ್ರಶಸ್ತಿ ಸುತ್ತು ತಲುಪಿತು. ಚೆನ್ನೈ ಪರ ರುಸ್ಲಾನ್ಸ್ ಸೊರೊಕಿನ್ಸ್ 17 ಅಂಕಗಳನ್ನು ಗಳಿಸಿ ಪಂದ್ಯದ ಹೀರೋ ಎನಿಸಿದರು. ರುಸ್ಲಾನ್ಸ್ 15 ಸ್ಪೈಕ್ಸ್. 1 ಬ್ಲಾಕ್ ಹಾಗೂ 1 ಸರ್ವ್ ಅಂಕಗಳ ಮೂಲಕ ಚೆನ್ನೈ ಜಯದಲ್ಲಿ ಪ್ರಮುಖ ಪಾತ್ರವಹಿಸಿದರು. ಕೊಚ್ಚಿ ಪರ ಮನು ಜೋಸೆಫ್ ಕೂಡ 17 ಅಂಕಗಳನ್ನು ಗಳಿಸಿದರೂ ತಂಡವನ್ನು ಸೋಲಿನಿಂದ ಪಾರು ಮಾಡಲಾಗಲಿಲ್ಲ.
![](https://www.sportsmail.net/wp-content/uploads/2019/02/por3__1550753431_45.112.20.44.jpg)
ಚೆನ್ನೈ ಮೊದಲ ಸೆಟ್ ಗೆದ್ದುಕೊಂಡು ನಂತರದ ಎರಡು ಸೆಟ್ಗಳಲ್ಲಿ ಆಘಾತ ಅನುಭವಿಸಿ ಆಂತಕದಲ್ಲಿದ್ದಿತ್ತು. ಆದರೆ ನಂತರದ ಎರಡು ಸೆಟ್ಗಳಲ್ಲಿ ಜಯ ಗಳಿಸಿ ಶುಕ್ರವಾರ ನಡೆಯುವ ಫೈನಲ್ಗೆ ಲಗ್ಗೆ ಇಟ್ಟಿತು.
ಮೊದಲ ಸೆಟ್ ಅತ್ಯಂತ ರೋಕಚವಾಗಿ ನಡೆದಿತ್ತು, ಒಂದು ಹಂತದಲ್ಲಿ ಪಂದ್ಯ 6-6ರಲ್ಲಿ ಸಮಬಲಗೊಂಡಿತ್ತು. ಆದರೆ ಸೊರೊಕಿನ್ಸ್ ಅವರ ಅದ್ಭುತ ಆಟದ ನೆರವಿನಿಂದ ಚೆನ್ನೈ 8-7 ರಲ್ಲಿ ಮುನ್ನಡೆ ಕಂಡಿತು. ನಂತರ ಕೊಚ್ಚಿ ಪರ ಪ್ರಭಾಕರನ್ ಉತ್ತಮ ಆಟ ಪ್ರದರ್ಶಿಸಿದುದರ ಪರಿಣಾಮ 10-8ರಲ್ಲಿ ಮುನ್ನಡೆ ಕಂಡಿತು. ಇತ್ತಂಡಗಳ ಸಮಬಲದ ಹೋರಾಟದ ಪರಿಣಾಮ ಸ್ಕೋರ್ ಒಂದು ಹಂತದಲ್ಲಿ 11-11ರಲ್ಲಿ ಸಮಬಲಗೊಂಡಿತು. ಆದರೆ ಚೆನ್ನೈ ಅಂತಿಮವಾಗಿ 16-14 ಅಂತರದಲ್ಲಿ ಸೆಟ್ ಗೆದ್ದುಕೊಂಡಿತು. ನಂತರದ ಎರಡೂ ಸೆಟ್ಗಳಲ್ಲಿ ಕೊಚ್ಚಿ ಜಯ ಗಳಿಸಿದುದರ ಪರಿಣಾಮ ಆತಿಥೇಯ ಚೆನ್ನೈ ಒತ್ತಡಕ್ಕೆ ಸಿಲುಕಿತು. ಆದರೆ ಸೊರೊಕಿನ್ಸ್ ಅವರ ಅದ್ಭುತ ಆಟದ ನೆರವಿನಿಂದ 15-8, 15-13 ಅಂತರದಲ್ಲಿ ನಂತರದ ಎರಡೂ ಸೆಟ್ಗಳನ್ನು ಗೆದ್ದು ಕೊಂಡ ಚೆನ್ನೈ ಫೈನಲ್ ಪ್ರವೇಶಿಸಿತು.