ಆರಂಭದಲ್ಲೇ ದಾಖಲೆ ಬರೆದ ಆಳ್ವಾಸ್

20 ವರ್ಷದೊಳಗಿನ ಬಾಲಕರ 800 ಮೀ. ಓಟದಲ್ಲಿ ಆಳ್ವಾಸ್ ಕ್ರೀಡಾ ಸಂಸ್ಥೆಯ ಶಶಿಧರ್, 19 ವರ್ಷದೊಳಗಿನವರ ಬಾಲಕರ ಡಿಸ್ಕಸ್ ಎಸೆತದಲ್ಲಿ ನಾಗೇಂದ್ರ, ಮುಕ್ತ ವಿಭಾಗದ ಟ್ರಿಪಲ್ ಜಂಪನ್‌ನಲ್ಲಿ ಆಳ್ವಾಸ್‌ನ ಸಂದೇಶ್ ಶೆಟ್ಟಿ ಹಾಗೂ 18 ವರ್ಷದೊಳಗಿನವರ ಬಾಲಕಿಯರ ಹೈಜಂಪ್‌ನಲ್ಲಿ ಆಳ್ವಾಸ್‌ನ ಎಸ್‌ಬಿ ಸುಪ್ರಿಯಾ ನೂತನ ದಾಖಲೆಯೊಂದಿಗೆ ಚಿನ್ನ ಗೆದ್ದರು.

ರಾಜ್ಯ ಕ್ರೀಡಾ ಹಾಸ್ಟೆಲ್‌ಗಳಲ್ಲಿ ಓದುತ್ತಿರುವ ಪದಕ ಗೆದ್ದ ಕ್ರೀಡಾಪಟುಗಳಿಗೆ ಸೋಮವಾರ ಅಚ್ಚರಿ ಕಾದಿತ್ತು. ತಮಗೆ ನೀಡಿದ ಪ್ರಶಸ್ತಿ ಪತ್ರದಲ್ಲಿ ತಾವು ಯಾವ ಜಿಲ್ಲೆಯ ಪ್ರತಿನಿಧಿಸುತ್ತಿದ್ದೇವೋ ಆ ಜಿಲ್ಲೆಯ ಹೆಸರೇ ಇಲ್ಲದಂತಾಗಿ ಡಿವೈಎಸ್‌ಎಸ್ ಬೆಂಗಳೂರು ಹೆಸರು ದಾಖಲಾಗಿರುವುದು ಅಚ್ಚರಿಯನ್ನುಂಟು ಮಾಡಿತ್ತು. ಕೇಂದ್ರೀಕೃತ ಫಲಿತಾಂಶಕ್ಕಾಗಿ ರಾಜ್ಯ ಯುವಜನ ಸೇವಾ ಕ್ರೀಡಾ ಇಲಾಖೆ ಈ ರೀತಿಯ ಯೋಜನೆ ಹಾಕಿಕೊಂಡಿದೆ. ಇದು ಒಂದು ರೀತಿಯಲ್ಲಿ ಉತ್ತಮವಾಗಿದೆ. ಏಕೆಂದರೆ ಜಿಲ್ಲಾ ಮಟ್ಟದಲ್ಲಿದ್ದ ಕ್ರೀಡಾಪಟುಗಳು ರಾಜ್ಯಮಟ್ಟದ ಸಾಧನೆ ಮಾಡಿರುವುದು ನೇರವಾಗಿ ರಾಜ್ಯ ಯುವಜನ ಸೇವಾ ಕ್ರೀಡಾ ಇಲಾಖೆಯ ಗಮನಕ್ಕೂ ಬರುತ್ತದೆ. ಪದಕಗಳ ಒಟ್ಟು ಸಂಖ್ಯೆಯನ್ನು ಆಧರಿಸಿ ಸಮಗ್ರ ಚಾಂಪಿಯನ್ ಪಟ್ಟ ನೀಡುವಾಗಲೂ ಇದು ನೆರವಾಗುತ್ತದೆ.

ದಿನದ ಪ್ರಮುಖ ಲಿತಾಂಶಗಳು