ಮೆಸ್ಸಿ ದಾಖಲೆ ಮುರಿದ ಛೆಟ್ರಿ

ಅಂತಾರಾಷ್ಟ್ರೀಯ ಫುಟ್ಬಾಲ್‌ನಲ್ಲಿ ಮೆಸ್ಸಿ ಅತ್ಯಂತ ಪ್ರಸಿದ್ಧ ತಂಡಗಳ ವಿರುದ್ಧ ಆಡಿರಬಹುದು, ಜಗತ್ತಿನ ಅತ್ಯಂತ ಶ್ರೀಮಂತ ಪುಟ್ಬಾಲಿಗರ ಪಟ್ಟಿಯಲ್ಲಿ ಸೇರಿರಬಹುದು, ಆದರೆ ದಾಖಲೆಯ ವಿಚಾರ ಬಂದಾಗ ಸುನಿಲ್ ಛೆಟ್ರಿಯ ಸಾಧನೆಯನ್ನು ಮೆಚ್ಚಲೇಬೇಕು. ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಬೆಂಗಳೂರು ಎಫ್ಸಿ ತಂಡದ ನಾಯಕರಾಗಿರುವ ಛೆಟ್ರಿ 2005ರಲ್ಲಿ ಅಂತಾರಾಷ್ಟ್ರೀಯ ಫುಟ್ಬಾಲ್‌ಗೆ ಕಾಲಿಟ್ಟಿದ್ದರು. ಅದೇ ವರ್ಷ ಮೆಸ್ಸಿ ಕೂಡ ಅಂತಾರಾಷ್ಟ್ರೀಯ ಫುಟ್ಬಾಲ್‌ಗೆ ಕಾಲಿಟ್ಟಿದ್ದರು. ಮೆಸ್ಸಿ 128 ಪಂದ್ಯಗಳನ್ನಾಡಿ 65 ಗೋಲುಗಳನ್ನು ಗಳಿಸಿದ್ದರೆ, ಛೆಟ್ರಿ 105 ಪಂದ್ಯಗಳನ್ನಾಡಿ 67ನೇ ಗೋಲು ಗಳಿಸಿದರು. ಫಿಫಾ ರಾಂಕಿಂಗ್ ನಲ್ಲಿ ಭಾರತ 97, ಅರ್ಜೆಂಟೀನಾ 11 ಹೊಂದಿರಬಹುದು ಆದರೆ ಈ ದಾಖಲೆ ಭಾರತದ ಫುಟ್ಬಾಲ್ ಅಭಿಮಾನಿಗಳಲ್ಲಿ ಹೊಸ ಉಲ್ಲಾಸ, ಅಆಟಗಾರರಲ್ಲಿ ಹೊಸ ಹುಮ್ಮಸ್ಸು ತರುವುದು ಸತ್ಯ.