ಬೆಂಗಳೂರು: ಬಾಂಗ್ಲಾದೇಶ ತಂಡ ಪಾಕಿಸ್ತಾನದ ವಿರುದ್ಧ ಐತಿಹಾಸಿಕ ಟೆಸ್ಟ್‌ ಸರಣಿ ಗೆದ್ದು ಈಗ ಭಾರತದ ವಿರುದ್ಧ ಟೆಸ್ಟ್‌ ಸರಣಿಯನ್ನಾಡಲು ಚೆನ್ನೈಗೆ ಆಗಮಿಸಿದೆ. 2000ದಲ್ಲಿ ಭಾರತದ ವಿರುದ್ಧವೇ ಟೆಸ್ಟ್‌ ಕ್ರಿಕೆಟ್‌ಗೆ ಕಾಲಿಟ್ಟ ಬಾಂಗ್ಲಾದೇಶ ಕಳೆದ 24 ವರ್ಷಗಳಲ್ಲಿ 13 ಟೆಸ್ಟ್‌ ಪಂದ್ಯಗಳನ್ನಾಡಿದರೂ ಜಯ ಕಾಣಲಿಲ್ಲ. ಆದರೆ ಈ ಬಾರಿ ಚೆಪಾಕ್‌ ಅಂಗಣದಲ್ಲಿ ಮ್ಯಾಜಿಕ್‌ ಮಾಡಲು ಬಾಂಗ್ಲಾ ಸಜ್ಜಾಗಿದೆ. ಆದರೆ ಮನೆಯಂಗಣದಲ್ಲಿ ಭಾರತವನ್ನು ಸೋಲಿಸುವುದು ಅಷ್ಟು ಸುಲಭವಲ್ಲ. It is not easy to Bangladesh win test match against strong India.
2000ದಲ್ಲಿ ಢಾಕಾದಲ್ಲಿ ನಡೆದ ಏಕೈಕ ಟೆಸ್ಟ್‌ ಪಂದ್ಯದಲ್ಲಿ ಕನ್ನಡಿಗ ಸುನೀಲ್‌ ಜೋಶಿ 5 ವಿಕೆಟ್‌ ಗಳಿಸಿದ್ದರು. ಜಾವಗಲ್‌ ಶ್ರೀನಾಥ್‌ ಕೂಡ ಈ ತಂಡದಲ್ಲಿದ್ದು ಉತ್ತಮ ಬೌಲಿಂಗ್‌ ಪ್ರದರ್ಶಿಸಿದ್ದರು. ಚೊಚ್ಚಲ ಪಂದ್ಯದಲ್ಲಿ ಭಾರತ ತಂಡ 9 ವಿಕೆಟ್‌ ಅಂತರದಲ್ಲಿ ಜಯ ಗಳಿಸಿತ್ತು. ಆ ನಂತರ ನಡೆದ 12 ಟೆಸ್ಟ್‌ ಪಂದ್ಯಗಳಲ್ಲಿ ಬಾಂಗ್ಲಾದೇಶದ ಆಟಗಾರರು ವೈಯಕ್ತಿಕ ದಾಖಲೆಗಳನ್ನು ಮಾಡಿದರೇ ವಿನಃ ಪಂದ್ಯಗಳನ್ನು ಗೆಲ್ಲುವಲ್ಲಿ ವಿಫಲರಾದರು. ಈಗ ಬಾಂಗ್ಲಾದೇಶ ಸಾಕಷ್ಟು ಬದಲಾವಣೆ ಆಗಿದೆ. ವಿವಿಧ ದೇಶಗಳೊಂದಿಗೆ ಆಡಿದ ಅನುಭವವನ್ನು ಹೊಂದಿದೆ. ಪಾಕಿಸ್ತಾನದ ವಿರುದ್ಧ ಸರಣಿ ಗೆದ್ದ ಆತ್ಮವಿಶ್ವಾಸ ಇನ್ನೂ ಜೀವಂತವಾಗಿದೆ. ಕಳೆದ ವರ್ಷ ಬಾಂಗ್ಲಾದೇಶದಲ್ಲಿ ಭಾರತ ಟೆಸ್ಟ್‌ ಸರಣಿ ಗೆದ್ದ ನಂತರ ಮತ್ತೆ ಇತ್ತಂಡಗಳು ರೆಡ್‌ ಬಾಲ್‌ ಆಟದಲ್ಲಿ ಮುಖಾಮುಖಿಯಾಗಿರಲಿಲ್ಲ.
ಬಾಂಗ್ಲಾದೇಶ ತಂಡದಲ್ಲಿ ಹೆಚ್ಚಿನ ಬದಲಾವಣೆ ಇಲ್ಲ. ಪಾಕ್‌ ವಿರುದ್ಧ ಆಡಿದವರೇ ಚೆನ್ನೈನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ತಂಡಗಳ ವಿವರ:
ಭಾರತ: Rohit Sharma (C), Yashasvi Jaiswal, Shubman Gill, Virat Kohli, KL Rahul, Sarfaraz Khan, Rishabh Pant (WK), Dhruv Jurel (WK), R Ashwin, R Jadeja, Axar Patel, Kuldeep Yadav, Mohd. Siraj, Akash Deep, Jasprit Bumrah, Yash Dayal.
ಬಾಂಗ್ಲಾದೇಶ: Najmul Hossain Shanto (c), Mahmudul Hasan Joy, Zakir Hasan, Shadman Islam, Mominul Haque, Mushfiqur Rahim, Shakib Al Hasan, Litton Kumer Das, Mehidy Hasan Miraz, Taijul Islam, Nayeem Hasan, Nahid Rana, Hasan Mahmud, Taskin Ahmed, Syed Khaled Ahmed, Jaker Ali Anik